ಇಂದಿನ ಯಾಂತ್ರಿಕ ಜೀವನಶೈಲಿಯಲ್ಲಿ ಅಸಮತೋಲಿತ ಆಹಾರ ಮತ್ತು ಗಡಿಬಿಡಿಯ ಜೀವನದಿಂದಾಗಿ ಸಂಧಿ ನೋವು (Joint Pain), ಬೆನ್ನುಹುರಿ ಮತ್ತು ಕುತ್ತಿಗೆಯ ಸ್ಪಾಂಡಿಲೈಸಿಸ್ (Spondylosis) ಸಮಸ್ಯೆಗಳು ವಯಸ್ಸಿನ ಹಂಗಿಲ್ಲದೆ ಪ್ರತಿಯೊಬ್ಬರನ್ನೂ ಕಾಡುತ್ತಿವೆ. ಈ ರೀತಿಯ ದೈಹಿಕ ನೋವುಗಳಿಗೆ ಶಸ್ತ್ರಚಿಕಿತ್ಸೆಯಿಲ್ಲದೆ ಸ್ವಾಭಾವಿಕವಾಗಿ ಮುಕ್ತಿ ನೀಡಲು ಅಯ್ಯಂಗಾರ್ ಯೋಗ ಮತ್ತು ನಿಸರ್ಗೋಪಚಾರವು (Yoga Nisarga Kendra in Kalaburagi) ಅತ್ಯಂತ ಪರಿಣಾಮಕಾರಿ ಮಾರ್ಗವಾಗಿದೆ.
ಕಲಬುರಗಿಯ ಮಲ್ಲಣ್ಣ ಬಡದಾಳಕರ್ ಅವರ ಸೇವೆ
ಕಲಬುರಗಿಯಲ್ಲಿ ‘ಬಿಕೆಎಸ್ ಅಯ್ಯಂಗಾರ್ ಯೋಗ ಕೇಂದ್ರ’ವನ್ನು ನಡೆಸುತ್ತಿರುವ ಮಲ್ಲಣ್ಣ ಬಡದಾಳಕರ್ ಅವರು 1991ರಲ್ಲಿ ಯೋಗ ಮತ್ತು ನಿಸರ್ಗೋಪಚಾರ ಕೇಂದ್ರವನ್ನು ಪ್ರಾರಂಭಿಸಿದರು. ಇವರು ಕಳೆದ ಹಲವು ದಶಕಗಳಿಂದ 1500ಕ್ಕೂ ಹೆಚ್ಚು ಜನರಿಗೆ ಯಾವುದೇ ಸರ್ಜರಿ ಇಲ್ಲದೆ ಯೋಗಾಸನ ಮತ್ತು ನಿಸರ್ಗೋಪಚಾರದ ಮೂಲಕ ಯಶಸ್ವಿ ಚಿಕಿತ್ಸೆ ನೀಡಿದ್ದಾರೆ ಮತ್ತು ನೀಡುತ್ತಲೇ ಇದ್ದಾರೆ.
ವೈಜ್ಞಾನಿಕ ತಪಾಸಣೆ
ರೋಗಿಗಳ ಎಕ್ಸ್-ರೇ (X-Ray) ಹಾಗೂ ಸ್ಕ್ಯಾನಿಂಗ್ ವರದಿಗಳನ್ನು ಸೂಕ್ಷ್ಮವಾಗಿ ಪರಿಶೀಲಿಸಿ, ದೇಹದ ಯಾವ ಭಾಗದಲ್ಲಿ ಸಮಸ್ಯೆಯಿದೆ ಎಂಬುದನ್ನು ಗುರುತಿಸಲಾಗುತ್ತದೆ.
ಸರಳ ಸಲಕರಣೆಗಳ ಬಳಕೆ
ಕಠಿಣ ಆಸನಗಳ ಬದಲಾಗಿ ಯೋಗ ಸಲಕರಣೆಗಳ (Props) ಸಹಾಯದಿಂದ ದಿನಕ್ಕೆ ಒಂದು ಗಂಟೆ ಆಸನಗಳನ್ನು ಅಭ್ಯಾಸ ಮಾಡಿಸಲಾಗುತ್ತದೆ.
ಸಮಗ್ರ ಶಮನ
ಬೆನ್ನು ಹುರಿ, ಸೊಂಟ ಹಾಗೂ ಕುತ್ತಿಗೆಯ ನೋವಿನಿಂದ ಬಳಲುತ್ತಿರುವವರು 1 ರಿಂದ 3 ತಿಂಗಳ ನಿಯಮಿತ ಅಭ್ಯಾಸದಿಂದ ನೋವಿನಿಂದ ಮುಕ್ತಿ ಪಡೆಯಬಹುದು.
ಬಿ.ಕೆ.ಎಸ್. ಅಯ್ಯಂಗಾರ್
ಯೋಗ ಪ್ರಪಂಚದ ದಿಕ್ಸೂಚಿ
ಬೆಳ್ಳೂರು ಕೃಷ್ಣಮಾಚಾರ್ ಸುಂದರರಾಜ ಅಯ್ಯಂಗಾರ್ (ಬಿ.ಕೆ.ಎಸ್. ಅಯ್ಯಂಗಾರ್) ಅವರು ಡಿಸೆಂಬರ್ 14, 1918 ರಂದು ಜನಿಸಿದರು. ತಮ್ಮ 15ನೇ ವಯಸ್ಸಿನಲ್ಲಿ ಮೈಸೂರಿನ ತಿರುಮಲೈ ಕೃಷ್ಣಮಾಚಾರ್ ಅವರ ಮಾರ್ಗದರ್ಶನದಲ್ಲಿ ಯೋಗಾಭ್ಯಾಸ ಶುರುಮಾಡಿದ ಇವರು, 1975ರಲ್ಲಿ ಪುಣೆಯಲ್ಲಿ ‘ರಮಾಮಣಿ ಅಯ್ಯಂಗಾರ್ ಯೋಗ ಇನ್ಸ್ಟಿಟ್ಯೂಟ್’ ಸ್ಥಾಪಿಸಿದರು. ಇಂದು ವಿಶ್ವದ 40ಕ್ಕೂ ಹೆಚ್ಚು ದೇಶಗಳಲ್ಲಿ 180ಕ್ಕೂ ಅಧಿಕ ಯೋಗ ಕೇಂದ್ರಗಳಿದ್ದು, ಲಕ್ಷಾಂತರ ಜನರಿಗೆ ಚಿಕಿತ್ಸೆ ನೀಡಲಾಗುತ್ತಿದೆ.
ಜ್ಞಾನ-ಯೋಗ ಮತ್ತು ಆಯುರ್ವೇದ ತೈಲೋಪಚಾರ
15-20 ಬಗೆಯ ಗಿಡಮೂಲಿಕೆಗಳಿಂದ ನೈಸರ್ಗಿಕವಾಗಿ ತಯಾರಿಸಿದ ಆಯುರ್ವೇದ ತೈಲದಿಂದ ಮಸಾಜ್ ಮಾಡುವ ವಿಧಾನವನ್ನು ಇಲ್ಲಿ ತಿಳಿಸಿಕೊಡಲಾಗುತ್ತದೆ.
ಜ್ಞಾನ ಯೋಗ ಗ್ರಂಥಾಲಯ
ಈ ಕೇಂದ್ರದಲ್ಲಿ ಯೋಗ, ವೈದ್ಯಕೀಯ ಮತ್ತು ಆರೋಗ್ಯಕ್ಕೆ ಸಂಬಂಧಿಸಿದ ಸುಮಾರು 2,000 ಇಂಗ್ಲಿಷ್ ಹಾಗೂ ಮರಾಠಿ ಪುಸ್ತಕಗಳ ಸಂಗ್ರಹವಿದ್ದು, ಸಾಧಕರು ಯೋಗಾಭ್ಯಾಸದ ಜೊತೆಗೆ ವೈದ್ಯಕೀಯ ಜ್ಞಾನವನ್ನೂ ಪಡೆಯಬಹುದು.
ಪೊಲೀಸ್ ಇಲಾಖೆಯಂತಹ ಸದಾ ಒತ್ತಡದಲ್ಲಿ ಕೆಲಸ ಮಾಡುವ ಉದ್ಯೋಗಿಗಳು ಹಾಗೂ ತೀವ್ರ ದೈಹಿಕ ನೋವಿನಿಂದ ಬಳಲುತ್ತಿರುವವರು ಈ ಯೋಗಾಸನ ಮತ್ತು ನಿಸರ್ಗೋಪಚಾರದ ಮೂಲಕ ಗುಣಮುಖರಾಗಿ ನವಜೀವನ ಕಂಡುಕೊಂಡಿದ್ದಾರೆ.
ಹೆಚ್ಚಿನ ಮಾಹಿತಿಗಾಗಿ ಬಿಕೆಎಸ್ ಅಯ್ಯಂಗಾರ್ ಯೋಗ ಕೇಂದ್ರದ ಮುಖ್ಯಸ್ಥ ಮಲ್ಲಣ್ಣ ಬಡದಾಳಕರ್ ಅವರನ್ನು ಸಂಪರ್ಕಿಸಬಹುದು. ಅವರ ಮೊಬೈಲ್ ನಂಬರ್ ಇಲ್ಲಿದೆ.
– 99015 73014
